ជនសង្ស័យ៥នាក់ ត្រូវបានកម្លាំង នៃស្នងការនគរបាលខេត្តបន្ទាយមានជ័យ ឃាត់ខ្លួនចោទប្រកាន់ក្រុមឧទ្ទាមក្រៅច្បាប់ចង់ផ្តួលរំលំរាជរដ្ឋាភិបាលស្របច្បាប់
11-November-2019 | ដោយ ពលមនសិការ
បន្ទាយមានជ័យ៖ ជនសង្ស័យ៥នាក់ ត្រូវបានកម្លាំងនៃស្នងការនគរបាលខេត្តបន្ទាយមានជ័យឃាត់ខ្លួនចោទប្រកាន់ក្រុមឧទ្ទាមក្រៅច្បាប់ចង់ផ្តួលរំលំរាជរដ្ឋាភិបាលស្របច្បាប់ដែលត្រូវឃាត់ខ្លួននៅវេលាម៉ោង៤៖០០នាទីល្ងាចថ្ងៃទី១០ខែវិច្ឆិកា ឆ្នាំ២០១៩ នៅផ្ទះសំណាក់សេះមាស ស្ថិតភូមិប៉ាលិលេយ្យមួយ សង្កាត់.ក្រុងប៉ោយប៉ែត។
ពាក់ព័ន្ធការឃាត់ខ្លួនជនសង្ស័យនេះកម្លាំងសមត្ថកិច្ចមិនបានផ្តល់ព័ត៌មានឱ្យបានដឹងនោះទេ ប្រភពព័ត៌មានបានឱ្យដឹងគឺឃាត់ខ្លួនជនសង្ស័យ៥នាក់ ក្នុងបន្ទប់ផ្ទះជួលក្នុងក្រុងប៉ោយប៉ែត នេះជាជនសង្ស័យក្រុមឧទ្ទាមក្រៅច្បាប់ដែលមានបំណងផ្តួលរំលំរាជរដ្ឋាភិបាលស្របច្បាប់។
ព័ត៌មានទទួលបានគឺជនសង្ស័យទាំង៥នាក់នេះ គឺជាក្រុមអតីតអង្គរក្សទណ្ឌិត សម រង្ស៊ី មេឧទ្ទាមក្រៅច្បាប់ដែលរាជរដ្ឋាភិបាលកម្ពុជា កំពុងស្រាវជ្រាវរកចាប់ខ្លួនដើម្បីអនុវត្តតាមផ្លូវច្បាប់។ ហើយជាក់ស្តែងជនសង្ស័យទាំង៥នាក់នេះបានរត់គេចខ្លួនពីស្នាក់ការគណបក្សសង្គ្រោះជាតិនៅផ្លូវជាតិលេខ២ម្តុំចាក់អង្រែរាជធានីភ្នំពេញ ហើយមកលាក់ខ្លួននៅក្បែរព្រំដែនកម្ពុជា.ថៃនៅក្រុងប៉ោយប៉ែតខេត្តបន្ទាយមានជ័យ ហើយត្រូវបានកម្លាំងសមត្ថកិច្ចឃាត់ស្រាវជ្រាវឃាត់ខ្លួនបាន៥នាក់ ដែលលាក់ខ្លួនក្នុងបន្ទប់ផ្ទះសំណាក់សេះមាស ក្រុងប៉ោយប៉ែត។
ក្រោយពេលកម្លាំងនៃស្នងការនគរបាលខេត្តបន្ទាយ មានជ័យ ឃាត់ខ្លួនជនសង្ស័យ៥នាក់ នៅក្រុងប៉ោយប៉ែត ហើយបានបញ្ជូនខ្លួនភ្លាមៗតាមរថយន្តដែលមានកម្លាំងនគរបាលករពារយ៉ាងម៉ឺងម៉ាត់ដឹកចេញទៅបាត់ និងអនុវត្តន៍តាមផ្លូវច្បាប់៕
ចំនួនអ្នកទស្សនា
- ថ្ងៃនេះ6341
- ម្សិលមិញ20231
- សប្តាហ៍នេះ85421
- ខែនេះ107301
- ឆ្នាំនេះ107301
- សរុប20549757